Veurege week zaoterdag woort euze Theo gedecoreerd door de Hoege Hoeglöstigheid vaan Groet Mestreech prins Armand I. Heer kraog vaan de Stadsprins 'n medaaje in de Tempeleers Orde vaan ‘de Govies’. Aonleiing um Theo 11 vraoge te stèlle.
1. Bij de Groete Cortèsj hadste 'n apaartsje mèt Stadsprins Armand I dus wienie kump heer bij Batida speule ;-) ?
Jao,dat klop. Now mesjien tot heer uns kump kieke op un repetitie.
2. Wie biste oets bij Batida terech gekoume?
Jeh, dat gaon iech diech vertelle, mien dochter Jennifer zaot bij al bij Batida. Iech bin toen un paar kier nao un optreije goon kieke en dat voond iech sjiek. Iech deenk bij mien eige hey wel iech oug bij zien. Bin bij Anita en Peter gewees, zie zochte op dat momint nog un bestuurslid meh dat zaog iech neet zitte. Iech zegk tege die twie tot iech wel trommele en wel op de 24 inch en zoe is ut gekomme.
3. Dien dochter Jennifer is 1 vaan euze leiers, wat is 't lestigste vaan häör instruksies um op te volge?
Ut lestigste vin iech ut volgende. Iech bin meh klein en staon achteraon dus iech zeen hur neet altied. Weier hub iech gein probleme.
4. Umsjrijf euze Samba band in vief wäörd.
Unne geweldige enthousiaste hechte band.
5. Diech werreks bij de Jumbo meh wat deiste in diene vrije tied, neve Batida, noch mie?
In miene vrije tied besteij iech tied aon Aida. Veer hubbe dezelfde interesses zoe es forelvisse, terrasje pikke, lekker hepke ete eurrigens en soms met Chasin dagje weg.
"In ein woort: Geweldig!!!!!!!"
6. Kinste vertèlle wat 't mies sjieke optrejje is gewees?
Ut mies sjieke optreije vin iech nog altied toen iech veur de ierste kier met ut sambafestival in Elsloo met met deeg.
7. Welk Batida nummer vinste ut sjoenste en veur wat?
Eigenlik vin iech de mieste nummer wel sjiek meh ein nummer sprink dur tog wel bovenoet en dat is tog wel Leo. vanwege ut ritme en de zuus ut aon ut publiek.
8. Diech bis sinds 'n paar jaor noe grampeer. Wat vinste 't sjiekste aon dien rol es ampa?
De ierste 4 jaor hub iech bijnao elke goonsdag op Chasin gelet. Dit waor opa en oma daag. Dao hub iech zoe vaan genote. Noe hub iech 2 kleinkinder en iech geneet dur volop vaan. Iech vin ut gewoen geweldig es veer elkaar zien. Speule met Chasin en knoevele met Fay. Iech haw zoeveul vaan die twie.
9. Boe zouwste nog ins wèlle optrejje?
Bij M.V.V. op vriedagaovund veur unne wedstrijd.
10. Maak de zin aof: Batida geit in 2019...?
Vaol optreijes kriege umtot veer hiel goot bezig zien en op de kaart stoon. En dat hubbe veer te Daanke aon eederein dee zich veur de band inzet.
11. Wie waor dit jaor de vastelaovend veur diech?
In ein woort: Geweldig!!!!!!!
Copyright foto's: Theo Veraart, Anita Vanhingel en Hans Raymaekers - Acclararefoto.