Verleie zaoterdag woorte twie Batida lede: Marley & Marian gedecoreerd door de Hoege Hoeglöstigheid vaan Groet Mestreech Prins Rolam 1. Tied um ze 11 vraoge te stelle. Ierste is Marley aon de beurt later kump Marian aon 't woort.
1. Wieveulste medaaje höbste oondertösse bijein gesjraveld en welke is de ravissantste?
Ut zien ‘r teväol um te telle, mer iech weit zeker dat ut dr euver de 100 zien! Iech spaor al sinds iech unne kleine grummel waor. Iech deenk dat dizze speciale medaille vaan 2018 toch wel de sjiekste beteikenis veur miech heet.
2. Diech bis saame mèt diene awwers bij Batida. Wie laank zeet geer al bij de band?
Veer maage al 3 jaor laank oetmaake van dizze gezellige sambaband.
3. Umsjrijf euze Samba band in vief wäörd.
Muzikaal, Gezellig, Femilie, Passie & Gedreven.
4. Neve Samba meziek speule, maakste ouch soms 'n "vlog". Wat waor dien sjoenste vlog?
Iech deenk persoenlijk dat iech de vlog vaan Antwerpen toch wel ut leukste voond, dit waor oag un super optreije.
5. Kinste vertèlle wat 't mies sjieke optrejje is gewees?
Ut mies sjiekste optreije… ut zien er zoevaol! iech persoenlijk vind carnaval altied ut allersjiekste vaan ut hiele jaor, of Sambafestival Heerlen. Dit is veural umdat ste mit aandere bands in aonraking kumps!
"Un jaor gein vastelaovend, is un jaor neet geleef!"
6. Welk Batida nummer vinste ut sjoenste en veur wat?
Iech vind us nummer Mathilda wel erg sjiek, dr zit vaol passie en geveul in, oag telt heijbei de snelheid hiel erg mit!
7. Diech bis 'ne groete fan vaan Flikken Maastricht. Wee vaan de acteurs is d'ne favoriet en veur wat?
Mijn favoriete acteurs zien Angela en Victor (Eva & Wolfs) umdat iech Victor al vaker ontmoet höb en heer is hiel aordig, en ze speule ontzettend good.
8. Boe zouwste nog ins wèlle optrejje?
Iech zow bés un kierke wille optreije in Amsterdam, umdat ut toch un hiel groet bevolkte stad is, en in Brazilië umdat dao de samba vaandan kump!
9. Welke vraog zouwste aon diech zellef geere wèlle stèlle?
Of iech heij in de toekomst mit door gaon want iech hoop noe vaan wel!
10. Maak de zin aof: Batida geit in 2018...?
Zoe wie eeder jaor gezellig optreije op versjillende plaotse! Gezellig mit zien alle lol en plezeer maake is wat veer ut liefste doen!
11. Wat beteikent de vastelaovend veur diech?
Vastelaovend is veur miech erg belangriek. Mit vastelaovend maak ut niks oet watste deis, en de kins lekker diechzelf zien. Dat is ut biste wat unne mins kin höbbe! Lekker losgoon vind iech geweldig en iech zigk eeder jaor opnuij ; “Un jaor gein vastelaovend, is un jaor neet geleef!”